270            ARTISTES PARISIENS DU XVIe ET DU XVIIe SIECLE.
au Maire, parroisse Saint-Nicolas, pour elle et en son nom, d'autre part; lesquelles partyes, de leurs bons grez et volontez, sans aucune contraincte, mais par l'advis, assistez et du consentement de honnorables hommes Mau­rice Dubout, me tapissier de haulte lisse, bourgeois de Paris, et Anthoine de Larry, aussy maitre tapissier de haulte lisse, bour­geois de Paris, amys commungs desd, par­tyes, à ce presentz, recongnurent et con­fessèrent , et par ces presentes recongnoissent et confessent iceulx Le Bries et Françoise Penon avoir promis et promectent de bonne foy prendre l'ung d'eulx l'autre par loy et nom de mariage, etc., aux biens et droictz ausd, futurs mariez respectivement apparte­nans, esquelz, ensemble des acquestz qu'ilz feront constant leurdict mariage, ils seront commungs, suivant et au desir de la cous­tume de ceste ville, prevosté et viconte de Paris. Et, neantmoings, ne seront iceulxfuturs mariez aucunement tenuz des debtes l'ung de l'autre créées auparavant le jour de leurs espouzailles, etc., et, à cet effect, seront faictz inventaire de part et d'autre, suivant ladicte coustume, et ce que la future espouze a de­claré avoir à elle appartenant, franchement et quictement, tant en deniers comptans que meublés jusques à la somme de cinquante escuz sol, qu'elle portera avec sond, futur espoux dedans le jour de leurs espouzailles; et auquel futur espoux, en faveur dudit futur mariage, afin de y parvenir, lad. future es­pouze a donné et donne par ces presentes, en pur, vray et loyal don irrévocable faict entre vifz et autrement, par la meilleure forme et manière que faire le peult et que "donnation vault et a lieu, ce acceptant par led. futur espoux pour luy, ses hoirs et ayans cause à tousjours, tous et chascuns lès biens meubles et conquestz immeubles qui se verront appartenir à icelle future espouze au jour de son decedz, en quoy ilz puissent con-
sister, monter et valloir, sans aucune chose en excepter, reserver, ne retenir, pour en disposer par led. futur espoux donnataire à sa volonté, comme à luy appartenans au moyen des presentes, à la charge de faire inhumer par ledit futur espoux honneste­ment sad. future espouze et d'acquicter ses debtes; lad. donation à condition toutesfois qu'il n'y aict point d'enffans dud. futur ma­riage vivans lors de dissolution d'icelluy, et aussi au cas que lad. future espouze, donna-trice decedde auparavant led. futur espoux. Et partant a icelluy futur espoux doué et doue sad. future espouze de cinquante escuz, sol en douaire prefix pour une fois paier, qui sera sans retour et demourera à lad. future espouze et aux siens de son costé et ligne en
plaine proprietté...................
Faict et passé es estudes desd, notaires soubzsignez, l'an i 5 9 8, le 25° may après midy. Insinué le i4 septembre 1598. ■—-(Arch, nat., Y 137, fol. 224.)
565. — Daniel Gaillard, tapissier
Contrat de mariage de Daniel Gaillard, maître tapissier de haute lisse, et de Marie Pi­nault. — i3 février 1615.
Par devant Pierre Viart et Estienne Tolle­ron, notaires soubzsignez, furent presens Da­niel Gaillard, maître tapissier de haulte lisse, demeurant à Paris, rue Darnetal, parroisse Saint-Sauveur, pour luy et en son nom, d'une part, et Marie Pinault, veufve de feu Macé Bazien, vivant marchant tavernier et me pâtissier es faulxbourgs Saint-Anthoine des Champs lez Paris, y demeurant, parroisse Saint-Paul, aussy pour elle et en son nom, d'autre part; lesquelles partyes, en la pre­sence, du consentement de Jehan Templier, . hasteur en la cuisine bouche dc la Royne, Pierre Hedouyn, marchant parfumeur sui-